ОНЛАЙН ХЭЛЭЛЦҮҮЛЭГ ЗОХИОН БАЙГУУЛАХ АРГА ЗҮЙ

Онлайн хэлэлцүүлэгт оролцогч: Оюутнуудад зориулсан зөвлөгөө

Онлайн хэлэлцүүлэг нь хичээлдээ бэлдэх, ярилцах ур чадварт суралцах, бичих чадвараа дадлагажуулах, бусдаас суралцахад тусална. Онлайн хэлэлцүүлэг бол юуны түрүүнд харилцан яриа болохоос даалгавар бичих биш гэдгийг санаарай. Дараах зөвлөмжүүд нь хэлэлцүүлгийн бүлгүүд эсвэл шууд чатуудад зориулсан үр дүнтэй онлайн хэлэлцүүлгийн стратегийн гол онцлогуудыг онцолдог. 

Гарчигтаа түлхүүр үг ашиглана уу 

Онлайн хэлэлцүүлэг нь хэд хэдэн мессежийг үүсгэж болох тул та хувь нэмрээ оруулах үр дүнтэй аргуудыг анхаарч үзэх хэрэгтэй. Бусад оролцогчдод таны нийтлэл юу болохыг хурдан ойлгоход нь туслахын тулд таны гарчиг дараа дараагийн агуулгыг тодорхой зааж байгаа эсэхийг шалгаарай. 

Хэлэлцүүлгийг урамшуулах

Хэрэв та хамгийн түрүүнд нийтэлсэн бол хэлэлцүүлгийг дэмжихийг хичээ. Хамгийн түрүүнд нийтэлсэн хүмүүст бусад хүмүүс хариу бичиж, иш татдаг. Бусад хүмүүс таны санааг хэрхэн хүлээж авсан эсэхийг эргэн харж, шалгахаа мартуузай.

Нийтлэлүүдийг богино, ойлгомжтой, зорилготой болго 

Ерөнхийдөө урт мессежийг онлайнаар уншихад хэцүү байдаг тул нэгээс хоёр утга бүхий догол мөр бичээрэй.        Өөр нэг гол дүрэм бол нийтлэл бүрд нотлох баримт болон  жишээгээр нотлогдсон нэг л гол санааг гаргах явдал юм. 

Хэлэлцүүлэгт оролцогчдын эв нэгдлийг бий болгохын төлөө ажиллах

Хэлэлцүүлэг нь бүлгийн сургалтын нэг хэлбэр юм. Бүлгийн гишүүний хувьд сайн ажиллаж чадвал сургалтын давуу талуудыг ашиглаж чадна. Бие биедээ эерэг сэтгэгдэл үлдээж, хөнгөн хошин яриа өрнүүлж, доромжилсон сэтгэгдлээс зайлсхийж, овог нэрээр нэрлэж, бие биедээ шууд хариулж, тусламж санал болго. Мөн түүнчлэн цахим орчинд аман бус болон дууны дохио дутагдаж байгааг санаарай. 

Онлайн чатаар харилцах

Онлайн чат нь онлайн лекцийн үеэр асуулт асуух эсвэл сэтгэгдэл бичих боломжийг олгодог. Сэтгэгдлээ товч бөгөөд ойлгомжтой болгохыг хичээгээрэй. Хүндэтгэсэн, мэргэжлийн байхаа санаарай: хичээл дээр ярихгүй байх зүйлээ бүү бич. 

Шинэ санаануудад нээлттэй байх 

Хэлэлцүүлэг нь бусдын юу хэлэхийг сонсож, өөрийн бодол санаа, хэтийн төлөвийг төлөвшүүлэх, өөрчлөхийн төлөө ажиллах явдал юм. Янз бүрийн үзэл баримтлал нь хэлэлцэж буй асуудал эсвэл үзэл баримтлалын талаарх хүн бүрийн ойлголтыг нэмэгдүүлэх боломжтой.

Өөрийгөө хөгжүүлэх

Онлайн орчин нь багшаасаа гадна үе тэнгийнхнээсээ суралцах зэрэг олон давуу талтай. Насан туршийн ур чадвараа хөгжүүлж, сургалтын агуулгын талаарх санаагаа боловсронгуй болгохын тулд цагийг үр бүтээлтэй ашигла.

Ашигласан материал

• Roper, A. (2007). How Students Develop Online Learning Skills. Educause Quarterly, 1, 62-65.

• Vonderwell, S. (2003). An examiniation of asynchronous communication experience and perspectives of students in an online course: A case study. The Internet and Higher Education, 6(1), 77-90.

• Yu, L. et al. (2016). When students want to stand out: Discourse moves in online classroom discussion that reflect students’ needs for distinctiveness. Computers in Human Behavior, 58, 1-11.